ELKARTASUN KEINUA VENEZUELARI ELKARTEAREN KOMUNIKATUA
Elkartasun Keinua Venezuelari elkarteak bere babes irmoena adierazten dio PSUV Venezuelako Alderdi Sozialista Batuak Karibeko gorakada belizistaren aurrean egindako salaketari.
Bat egiten dugu Estatu Batuetako Gobernuak iragarritako “Hegoaldeko Lantza Operazioa” izenekoaren kondenarekin, eta Venezuelako ezarritako ordena politikoa iraultzeko saiakera berri bat eta bakearen eta Latinoamerikako eta Karibeko herrien subiranotasunaren aurkako eraso larri bat dela ikusten dugu, baita mundu mailako egonkortasunerako mehatxu argi bat ere.
Kolonialismoari eta Eraso Inperialistari Stop!
Elkartasun Keinua Venezuelari-k ahotsa altxatzen du ofentsiba inperial neokolonialista, faxista eta supremazista berri honen izaera salatzeko. Iragarki hau ez da AEBko gobernuak herrien aurka mantentzen duen gerra psikologiko eta ekonomikoan aurrera egiteko beste urrats bat besterik, herri horiek, subiranoak izanik, beren independentziaren eta autodeterminazioaren bidea aukeratu baitute, Venezuelako Errepublika Bolivariarraren kasuan bezala.
Salatzen dugu ustezko ‘droga-kontrako borroka’ honetan ofentsiba justifikatzeko saiakerak sinesgarritasun osoa falta duela. Monroe Doktrinaren barruan kokatuta, kontrol hegemoniko eta arpilaketa operazio bat estaltzeko aitzakia berri bat baino ez da.
Estatu Batuetako gizartea da narkotikoen kontsumitzaile handiena, eta haien eskualdeko bazkideak dira, kasu askotan, narkotrafikatzaile eta ezegonkortasunaren sustatzaile nagusiak.
Latinoamerika eta Karibea xantaia ekonomiko, politiko eta moralaren menpeko ‘atzaldeko patio’ bihurtzeko asmoa baztertzen dugu. Herriek eskubidea dute gerraren, hilketa selektiboaren edo beren subiranotasunaren urraketaren etengabeko mehatxurik gabe bizitzeko.
Mobilizaziorako eta Posizionamendurako Deialdia Euskal Herrian
Euskal Herritik, etorkizuna erabakitzeko eskubideagatik borrokatu eta borrokan jarraitzen duen herri bat, gure herrialdeko eragile sozial eta politiko ezberdinei eskatzen diegu beren gaitzespena erakusteko eta argi eta garbi kokatzeko mehatxu eta eraso pean dauden herrien alde.
AEBko itsasontzi militarrak Karibeko eskualdetik berehala erretiratzea eskatzen dugu.
Erasoen eta exekuzio estrajudizialen amaiera eskatzen dugu.
Ohartarazten dugu Venezuelaren eta eskualdeko herrialdeen aurkako probokazio beliko hauek Estatu independenteen subiranotasunaren urraketaren aurrekari latza markatzen dutela.
Gure elkartasuna adierazten diogu Venezuelako Herriari eta eskatzen dugu Nicolás Maduro Presidentearen Gobernua eta herrialdeko instituzionaltasun demokratikoa errespetatzea.
Nazioarteko elkartasunari dei egiten diogu modu sortzaile eta ausartean mobilizatzeko, Venezuelak bakea eta bere subiranotasuna errespetatzeko duen eskubide besterenezina defendatuz.
Herrien kontzientziak Hegoaldeko Lantza garaituko du!
Venezuelan prest daude Gizateriaren garaipen handirako. Euskal Herria bere ondoan jartzen da.
GORA VENEZUELAREKIN ELKARTASUNA!
Euskal Herria, 2025eko azaroaren 15a
