Hauteskunde-behatzaileen euskal ordezkaritzaren adierazpena 2025eko maiatzaren 25eko Legebiltzarrerako eta Eskualdeetako Hauteskundeetan (Venezuela)
Caracas, 2025eko maiatzaren 26a
Venezuelan, 2025eko maiatzaren 25eko Legebiltzarrerako eta Eskualdeetako Hauteskundeak direla eta, Hauteskunde-behatzaileen euskal ordezkaritzako kide garen aldetik, honako hau adierazten dugu:
1. Lasaitasuna eta normaltasun demokratikoa: Bozketa-zentro ezberdinak behatu bitartean, erabateko lasaitasuna, herritarren parte-hartzea eta hauteskunde-prozesuarekiko errespetua antzeman genituen. Venezuelako herriak askatasunean gauzatu zuen botoa emateko eskubidea, presiorik eta istilurik gabe.
2. Prozesuaren gardentasuna eta garbitasuna: Venezuelako hauteskunde-sistemak beste behin ere erakutsi zuen bere sendotasuna eta fidagarritasuna. Egiaztapen biometrikotik zenbaketa publikora, prozesua txukun garatu zen, herriaren borondatea bermatuz. Venezuelako erakundeen lana nabarmentzen dugu, bereziki Hauteskunde Kontseilu Nazionalarena, profesionaltasunagatik eta legezkotasunarekiko konpromisoagatik.
3. Susperraldi ekonomikoa eta herrialdeko segurtasunaren hobekuntza: Venezuelan egin dugun egonaldian, bertatik bertara ikusi ahal izan dugu herrialdearen susperraldi ekonomiko argia eta hobekuntza nabarmena herritarren segurtasunaren arloan, lasaitasun sentsazio nabarmenarekin kaleetan eta komunitateetan.
4. Blokeo ekonomikoari aurre egitea: AEBek ezarri eta Europar Batasunak zein beste gobernu batzuek babestutako neurri hertsatzaile eta blokeo ekonomiko bidegabearen gainetik, Venezuelak hauteskunde eredugarriak antolatzea lortu du, bere subiranotasuna eta sistema demokratikoaren indarra berretsiz. Errealitate hori ez dator bat herrialdearen aurrerapenak deslegitimatu nahi dituztenen kontakizun interesatuarekin.
5. Manipulazio mediatikoaren aurkako salaketa: Europako hedabide handiek, euskal hedabide nagusiek barne, bultzatutako desinformazio-kanpaina salatzen dugu, Venezuelako errealitatea desitxuratu baitute, abstentzioaren aldeko kanpaina egin duen Venezuelako eskuin muturraren kontakizuna babestuz. Parte-hartze indizea, % 42, azken hauteskundeetan (2020) baino 12 puntu altuagoa da, eta orduan ere ultraeskuinak ez zuen parte hartu. Datu hori prozesuaren sendotasunaren eta zilegitasunaren erakusgarri argia da. Oposizioko indar ugarik parte hartu dute prozesu horretan, 54 alderdi politikok guztira. Egia errespetatzeko eta Venezuelako herriaren borondate demokratikoa aitortzeko eskatzen dugu, herrialdean esku hartzeko agenda politikoen zerbitzura dauden narratiba esku-hartzaileak zabaldu beharrean.
Nazioarteko hauteskunde-behatzaile garen aldetik, hauteskunde hauen zilegitasuna minimizatzeko ahalegin oro errefusatzen dugu eta herrien autodeterminazioarekin dugun konpromisoa berresten dugu.
Venezuelak bakean bozkatu du! Manipulazioari ez, subiranotasunari bai!
Sinatzen dute,
Hauteskundeetako Behatzaileen Euskal Ordezkaritza
Aitor Sanz Mendiburu (Elkartasun Keinua Venezuelari)
Alba Gutiérrez Gómez (Emakumeen Mugimendu Demokratikoa-MDM)
Andrés Díez Timofeva (Euskadiko Alderdi Komunista-EPK)
Arkaitz López Sánchez (Militante internazionalista eta Nazioarteko Lankidetzako teknikaria)
Carlos Aznarez (Resumen Latinoamericano)
Ekhi Sanz Astibia (Elkartasun Keinua Venezuelari)
Ester Palacio García (Euskadiko Alderdi Komunista-EPK)
Iñaki Etaio Alonso (Askapena)
Itsaso Lekuona Legorburu (EH Bildu)
Jon Metauten Pilarte (Militante internazionalista)
José Manzaneda (Euskadi-Cuba Elkartea)
Lorea Ibarra Gallardo (Ikaslea)
Mentxu García del Monte (Emakumeen Mugimendu Demokratikoa-MDM)
Ulises Domech Villar (Koadro Eskola)
Virgilio Ponce (Colectivo Entre Amigos eta Red Martianos)
Xabier Amillano Valentzia (Koadro Eskola)